Байгууллагын товч танилцуулга

Манай байгууллага нь “Монгол хүний өрсөлдөх чадамжийг дэлхийн хэмжээнд хүргэх” эрхэм зорилготойгоор нийгмийн боловсролыг дээшлүүлэх хөтөлбөрүүд болох гадаад хэл болон хувь хүний хөгжлийн хичээлүүдийг магистр болон түүнээс дээш зэрэгтэй хэл шинжлэлийн мэргэжлийн багш нар сургалтын үйл ажиллагааг 2014 оноос эхлэн тогтвортой явуулж байгаа бөгөөд бид өөрсдийн боловсруулсан монгол хүний сэтгэлгээнд бүрэн нийцсэн сурах бичгүүдэд (2018 оны 1-р сарын байдлаар нийт 33 сурах бичиг боловсруулсан) тулгуурлан богино болон урт хугацааны хөтөлбөрийн дагуу анхан шатнаас эхлээд дээд шат хүртэлх бүх түвшингийн чанартай сургалтуудыг явуулдаг. Мөн хамтын ажиллагааны хүрээнд амжилттай суралцагсдыг БНСУ-ын их, дээд сургуульд 30-100%-ийн тэтгэлэгтэй зуучлан явуулсаар байна. Манай байгууллага бие даан 2016 оноос эхлэн үйл ажиллагаа явуулж эхэлсэн бөгөөд энэхүү хугацаанд төв байгууллагаас гадна 3 салбар төвтэй болж нийт 40 гаруй ажилтантай болсон байна. Үүнээс гадаад хэлний багш 12, дизайнеруудын баг 2, зөвлөх багш 3, хэвлэлийн үйлдвэрийн ажилтан 4, сургалт зуучлал 3, санхүүгийн алба 2, бүртгэл мэдээллийн алба 6, маркетингийн албаны 5, туслах 3 ажилтантайгаар амжилттай үйл ажиллагаа явуулж байгаа бөгөөд нийгмийн сайн сайхны төлөө хүн бүрт зориулсан гадаад хэл, соёл, компьютерийн мэдлэгийг цахим сайт (www.worldlanguage.mn) болон нийгмийн цахим сүлжээнд (давтагдсан тоогоор 209,731 хүн) зорилтот хүрээнд фэйж хуудас болон группүүдээр дамжуулан үнэ төлбөргүй хэрэгцээт мэдээ мэдээлэл, онлайн хичээл, хөтөлбөрүүдийг чанарын өндөр түвшинд боловсруулан түгээсээр байгаа болно. Манай байгууллага нь цаашид олон улсын хэмжээнд хүлээн зөвшөөрөгдсөн их, дээд сургууль болох, мөн нийгмийн бусад салбарт хүч сорин дэлхий нийтийн стандарт үйлчилгээг нэвтрүүлэх, салбартаа тэргүүлэгч нь байх гэх мэт үндсэн чиг хандлагатайгаар үйл ажиллагаа явуулж байна. 2018 оны байдлаар манай байгууллага дараах салбар хүрээнд үйл ажиллагаа явуулж байна. Үүнд: 1. Гадаад хэл болон хүний хөгжлийн сургалтууд 2. Сургалт зуучлал 3. Ном сурах бичгийн судалгаа, худалдаа 4. Хэвлэлийн үйл ажиллагаа 5. Орчуулга 6. Хэл шинжлэлийн судалгаан дээр тулгуурласан цахим боловсруулалт Дэлхийн нийтийн хүрээнд манай байгууллага төрөлжүүлэн гаргаж буй бүтээлүүдээ боловсруулан экспортыг дэмжин олон улсын зах зээл дээр өөрийн байр суурийг эзлэх тал дээр өндөр анхаарал хандуулан ажиллаж байгаа бөгөөд байгууллагын хэтийн төлөв нь цаашид цогц чадамжит уялдаа холбоо бүхий экспортот суурилсан бүтээгдэхүүн үйлдвэрлэл бүхий корпораци байгуулах зорилго, алсын хараатайгаар үйл ажиллагаа явуулж байна.

www.worldlanguage.mn

Технологийн эрин үеийн хөгжлийг хэл шинжлэлтэй хослуулах нэн шаардлага үүсэж байгааг судлаач эрдэмтэд төдийгүй гадаад хэл сонирхогч бүх хүмүүс мэдэрсээр байгаа билээ. Бид цахим сайтаараа дамжуулан орчуулгын цогц дасгал ажил, толь бичиг, номын онлайн худалдаа, онлайн хичээл, маягтын орчуулгын систем зэргүүдийг оруулахаар хөгжүүлэлтийн түвшинд явж байна. Тун удахгүй эдгээрийг цогцоор нь ашиглах боломж бүрдээд зогсохгүй цаашид гадаад хэлийг богино хугацаанд чанартай сурах боломж, үйлчилгээ цогц байдлыг тасралтгүй хөгжүүлсээр байх болно.

Сертификат

Манай хэл шинжлэлийн хүрээлэн нь гадаад болон дотоодын гадаад хэл, хэл шинжлэлийн мэргэжлийн хүмүүсээр багаа бүрдүүлэн ажилладаг бөгөөд суралцагчийн хүсэл зорилгод нийцсэн сургалтуудыг санал болгон амжилттай суралцаж чадсан суралцагч нартаа хоёр улсын хооронд хүлээн зөвшөөрөгдсөн сертификатыг гардуулан өгдөг болно. Тус сертификатаар дамжуулан виз хүсэх мөн визний төрөлд өөрчлөлт оруулах, БНСУ-ын их, дээд сургуулийн хэлний бэлтгэлийн түвшин ахих, кредит тооцуулах гэх мэт олон давуу талуудыг агуулж байгааг дуулгахад таатай байна.

Answer dictionary

монгол - солонгос, солонгос - монгол үнэ төлбөргүй онлайн цахим толь бичиг

“Нарийн гарц” олон хэл, хэл шинжлэлийн хүрээлэнгээс гаргаж буй “Answer dictionary” толь бичгийг маань хэрэглэж буй та бүхэнд баярлалаа. Солонгос хэл, соёлыг сонирхон судлаж буй хүн бүрт зориулан гаргаж буй цахим толь бичиг маань үгийн сан хийгээд программ хөгжүүлэлтийн хувьд өдөр бүр шинэчлэгдэн хэл сурах их үйлсэд тань дэм болохоор манай баг хамт олон хичээнгүйлэн ажилласаар байна. Магадгүй таны хайсан үг тань манай толь бичгээс олдохгүй бол “Үг санал болгох” үйлдэлээр дамжуулан бидэн рүү илгээгээрэй. Таны илгээсэн үг бүрийг даруй орчуулан хайлтын систем руу шинэчлэн оруулах болно.

Онлайн хичээл

Бид 2011 оноос эхлэн алсын зайн сургалтыг “Боловсрол” ТВ, “Оллоо” ТВ-тэй хамтран бэлтгэн явуулж байгаа бөгөөд энэхүү хугацаанд нийт эфирийн 139 удаагийн солонгос хэлний анхан, дунд, гүнзгий түвшингийн хичээлүүдийг бэлтгэн давтамжтайгаар өдий хүртэл гаргасаар байна. Цаашид манай төв алсын зайн хичээлүүдийг илүү өндөр түвшинд хөгжүүлэн богино хугацаанд суралцагчийг зорилгодоо хүрэхэд дэмжих тал дээр хичээн ажиллах болно.