• Б.Очирбаяр
  • (солонгос хэлний багш, “Нарийн гарц” олон хэл, хэл шинжлэлийн хүрээлэнгийн үүсгэн байгуулагч)

Мэндчилгээ

Монгол хүний өрсөлдөх чадамжийг дэлхийн хэмжээнд хүрэхэд чиг баримжаа өгөхөөр өөрсдийн хэмжээнд инновацид хүч тавин ажиллаж буй “Нарийн гарц” олон хэл, хэл шинжлэлийн хүрээлэнгийн нийт ажилтангуудыг төлөөлөн мэндчилж байна. Юуны өмнө байгууллага маань өдий зэрэгтэй хөгжин дэвжихэд олон талаар тусалж байдаг гадаад болон дотоодын хамтран ажиллагч түншүүд, эрдэмтэн судлаач нартаа талархал илэрхийлмээр байна. Цаг минутаар хувьсан өөрчлөгдөж буй энэ даяарчлалын эрин үед сэтгэлгээний онцлог шинжийг хэрхэн илэрхийлж, монгол гэх бахархал хийгээд брендийг үүсгэж болохыг хамтдаа судлан урагшлах нэн чухал эрин үе ирсэн байна. Бид гадны улс орнуудын жишиг стандартыг монголд нутагшуулахаар цаг зав, хөрөнгө мөнгө ихээр зарсаар байгаа ч монгол хүний сэтгэлгээнд нийцсэн үйлчилгээ, хэв маягийг өөрсдөө яагаад боловсруулж болохгүй вэ? гэдэг асуултаас үүдэн манай хэл шинжлэлийн хүрээлэн монгол хүний өөрөөр хэлбэр нүүдэлчийн соёлын хэв шинж, хувьсах хийгээд дасан зохицох өндөр чадамжийг зөв чиг голдиролд оруулан гадаад хэлийг түүртэлгүй богино хугацаанд чанартай сурч цаашид дэлхийн хөгжлийг түүчээлэх технологийг монголд бий болгохоор зорьж байна. Манай байгууллага гадаад хэлний богино хугацааны сургалтын онцлог шинжид тулгуурласан сурах бичгүүдийг цогцоор нь боловсруулаад зогсохгүй гадаад хэлийг цахим технологитой хослуулах, суралцагч хийгээд багшийн хоорондын харилцааг илүү ойр байлгах, суралцагчийн сургалтын чанарт өгөгдөх үнэлгээг автоматжуулах, бие даах чадварыг ахиулах үүднээс алсын зайн сургалтуудыг боловсруулсаар байна. Бид цаашид судалгаа шинжилгээнд зориулах хөрөнгө оруулалтыг ихэсгэн инновацийг нэн тэргүүнд тавин монгол хүний дэлхийд өрсөлдөх чадамжийг дээшилэхэд бүх хүч чадлаа зориулах болно.